खेळात खेळते मी ।
© चन्द्रहास शास्त्री
वृत्त आनंदकंद
चन्द्रात शोधते मी, हास्यात शोधते मी ।
राधाच बोलते मी, शब्दी न बोधते मी ।।
कृष्णास शोधते मी, कृष्णास सांगते मी ।
खोटेच का असेना, कृष्णास भांडते मी ।।
त्याचेच गीत कंठी, त्याचेच नाम ओठी ।
थांबून गायचे अन्, वंशीच ऐकते मी ।।
लोकांतही कथांच्या, साथीस मी तयाच्या ।
नामातही तयाच्या, पूर्वीच शोभते मी ।।
अद्वैत आमुचे हे, खेळात खेळते मी ।
भक्तांस ठाव ऐसा, त्यांनाच बोधते मी ।।
No comments:
Post a Comment