पुन्हा नकोस जाऊ.
© चन्द्रहास शास्त्री
वृत्त आनंदकंद
कान्हास काय सांगू, पुन्हा नकोस जाऊ
येतोस तू कशाला, पुन्हा नकोस जाऊ .
गाऊ किती विराण्या, माझीच एक छाया
ग्रीष्मात रे प्रिया तू, पुन्हा नकोस जाऊ .
शंखात तू दिलेल्या, भावार्त गुन्तलेल्या
गंधाळती स्मृती या, पुन्हा नकोस जाऊ .
आर्तास माझिया रे, जाणून सांग तू रे
येशील तू कधी रे, पुन्हा नकोस जाऊ .
आता वियोग लाही, गोपीस सह्य नाही
ये एकदा असाही, पुन्हा नकोस जाऊ .
No comments:
Post a Comment