© चन्द्रहास शास्त्री
शब्दात भावनांना, गुंफायचे कसे रे
भाषेत अक्षरांच्या, बोलायचे कसे रे .
संकेत संचितांचे, आस्वाद्य भाव ऐसे
पानावरी दवाने, कैसे फुलायचे रे .
माथ्यावरी शशीचे, येणे स्वयेच झाले
तारांगणी मनाच्या, कैसे भिजायचे रे .
नाही कुठे कुणाची, खात्री निरभ्रतेची
मौनात बोल काही, कैसे जपायचे रे .
गद्यात पद्य यावे, तालात गीत गावे
आनंदकंद सारे, कैसे टिपायचे रे .
No comments:
Post a Comment