संध्या समा अशी ही .
© चन्द्रहास शास्त्री
षट्पाद बद्ध कोशी, संध्या समा अशी ही
व्याधी नवी नवी ही, संध्या समा अशी ही .
केसांत माळलेली, ती माळ मोगरीची
गंधी नवीन चैती, संध्या समा अशी ही .
वाटेतली फुले ही, वाटा करी सुगंधी
माघातली फुले ही, संध्या समा अशी ही .
पानांत ही फुलावी, स्वप्ने नवी बहारी
गर्दीत भावनांच्या, संध्या समा अशी ही .
आरक्त भावना ही, चित्तात वेधलेली
व्याधी नवी नवी ही, संध्या समा अशी ही .
No comments:
Post a Comment