सुखासी खरे पात्र होई

सुखासी खरे पात्र होई
⇙ चन्द्रहास सोनपेठकर

कुणाचाच कावा कधीही मनाला
कळूनी न यावा बरे माणसाला l
मनी शुद्धता ती रहावी सदा ही
मुखी तेच यावे मनी जे असावे ll

वरी बैसलासे तयां काम काही
असू दे उरू दे करण्यास दंड l
तयां जाण साची असे निश्चिता ही
उगा का करीशी मना तूच बंड ll

तयाच्या स्वभावा स्मरुनी मनात
न चिंता करावी कधीही कशाची l
तयाच्याच पायी नमस्कार साचा
करूनी सुखासी खरे पात्र होई ll